The tournament is expected to increase concern of all the sectors towards making publicity and conservation of Red Panda in high altitude of Rasuwa district, said the Langtang National Park.

पाल्पा, चैत्र २ -पाल्पाको रेडियो पश्चिमाञ्चल एफएम रहेको भवनमा बिहीबार दिउँसो ३ बजे शक्तिशाली बम विस्फोट भएको छ । विस्फोटबाट मानवीय क्षति भने भएको छैन ।

बम विस्फोट भवनको बीच तल्लामा भएको हो । यसबाट भवनको बीच तल्ला ध्वस्त भएको छ । भवनको पहिलो तलामा माओवादी कार्यकर्ताको भान्छाकोठा साथै दोस्रोमा माओवादी जिल्ला नेताको निवास र तेस्रो तल्ला रेडियो पश्चिमाञ्चल रहेको छ ।

विस्फोटका बेला माओवादी जिल्ला इन्चार्ज वसन्त शर्मा सोही तल्लामा रहेका थिए । उनलाई भने केही भएको छैन । विस्फोट भएको स्थानमा व्याट्री र तार भेटिएको छ । विस्फोटबाट छिमेकमा रहेको पत्रकार जगदीश भट्टराईको कैलाशनगर पव्लिकेसन्समा समेत क्षति पुगेको छ । भट्टराईको घरका सबै सिसा फुटेका छन् । विस्फोट भएको भवनसँगको रामप्रसाद श्रेष्ठको घरमा समेत सामान्य क्षति पुगेको छ ।

विस्फोटको ४५ मिनेटपछि पुगेको प्रहरीले प्रारम्भिक अनुसन्धान भइरहेको जनाएको छ । डेटोनेटरको तार र गोलीका छर्रा भेटिएको प्रहरी नायव उपरीक्षक मीरा चौधरीले बताइन् । सैनिक र प्रहरीले अनुसन्धान गरेको छ । बुटवलबाट अनुसन्धान टोली झिकाइसकिएको चौधरीले बताइन् ।


-इकान्तिपुर

काठमाडौँ, २ चैत । वाणिज्य तथा आपूर्तिमन्त्री लेखराज भट्टले उपभोक्ता हित संरक्षणका लागि सबै एकजुट भएर लाग्नुपर्ने आवश्यकता औँल्याउनुभएको छ ।

विश्व उपभोक्ता अधिकार दिवसको अवसरमा वाणिज्य विभागले आज यहाँ आयोजना गरेको अन्तरक्रियामा उहाँले उपभोक्ता अधिकार संरक्षण तथा बजारलाई व्यवस्थित गर्न सरकार लागिपरेको बताउनुभयो ।

मन्त्री भट्टले आम उपभोक्तामा जानकारी नभएका कारण कुन बस्तु गुणस्तर हो र कुन गुणस्तरहीन हो भनेर छुट्ट्याउन नसकेकाले जनचेतना फैलाउन आवश्यक रहेको उल्लेख गर्नुभयो ।


वाणिज्य तथा आपूर्ति राज्यमन्त्री विष्णु चौधरीले उपभोक्ताको अधिकार कति कार्यान्वयन गरेका छौँ, त्यसको मूल्याङ्कन गर्न जरुरी रहेको बताउनुभयो ।

मन्त्रालयका निमित्त सचिव महेन्द्रप्रसाद उपाध्यायले बजार मूल्य बढ्दा आम उपभोक्ता मारमा परेको भन्दै उपभोक्ताको हित संरक्षणका लागि सबैले खबरदारी गर्न जरुरी छ भन्नुभयो ।